कला/साहित्य

गीत

बाच्यौँ भने अर्कोवर्ष लाउँला बहिनी टीका

कोरोनाले सबै पर्व भए फिकाफिका

दाजु घर आइन भनी नमान्नु है पीर

मेरो आशिष तिमीलाई छँदैछ आखिर

फुले होलान् मखमली सयपत्रीहरु

सङ्गैहुन मन त थियो चाहेर के गरु ?

बाच्यौं भने ……

कोरोनाले…..

 यो बर्ष त जसरी नि आउँछु भन्थें आमा

 सम्झिराछु तिम्रो हातको गुन्द्रुक, आलु, तामा

रुँदैहोलान् छोराछोरी नानाचाचा भनी

बाटोहेर्दै बसिहोलिन् प्रियसीले पनि

बाच्यौं भने…….

कोरोनाले ……

 मपनि त दु:खीभाछु सम्झिराछु घर

 टाढाभई एक्लैबस्न कस्लाई रहर छ र ?

परिवारलाई रुवाएको होइन जानीजानी

 जागिरेको कथाब्यथा यस्तै हुन्छ सानी

 बाच्यौं भने….

कोरोनाले….

राेल्पा

 प्रतिक्रिया

तपाईको इ-मेल ठेगाना प्रकाशित हुँदैन। आवश्यक क्षेत्रहरू चिनो लगाइएका छन् *