मनोरञ्जन

प्रधानमन्त्री र भारतीय पत्रकार चौधरीमाथि कलाकार दीपकराज गिरीको कटाक्ष

काठमाडौं । भारतीय मिडिया जी न्युज च्यानलका प्रधान सम्पादक सुधीर चौधरीले सगरमाथामा भारतले दाबा गर्नुपर्ने र नाम ‘माउन्ट सिकदर’ राख्नुपर्ने भनेर कार्यक्रम बनाएपछि यसबारे नेपालमा व्यापक प्रतिक्रिया र आलोचना भइरहेको छ । खासगरी सत्तारुढ नेकपाइतरले चौधरीको सो कार्यप्रति आपत्ति जनाएका छन् । तर, प्रधानमन्त्री केपी ओली समर्थक र सो पार्टीका नेता कार्यकर्ता भने बचाउमा लागेका छन् ।

चौधरीको सो प्रयासबारे हरेक क्षेत्रबाट टीकाटिप्पणी भइरहेको छ । यसैक्रममा कलाकार निर्माता दीपकराज गिरीले यो घटनाप्रति प्रधानमन्त्री ओली र भारतीय पत्रकार चौधरीप्रति कटाक्ष गरेका छन् । उनले सुरुमा जी न्युजमा आएको अन्तर्वार्ताले प्रधानमन्त्रीको हाइट बढाएर गएको र जाँदाजाँदै यस्तो अग्लो प्रधानमन्त्री हुँदाहुँदै सगरमाथा किन चाहियो भन्दै सगरमाथामा दाबा गरेर गएको भन्दै व्यंग्य गरेका छन् ।

उनले सामाजिक सञ्जालमा लेखेका छन्, जी न्यूज आयो प्रधानमन्त्रीको हाइट बढाएर गयो, यति अग्लो प्रधानमन्त्री तिमिहरूको हुदॉहुँदै सगरमाथा किन चाहियो तिमिहरूलार्इ भन्दै सगरमाथामा आफ्नो दाबा पनि ठोकेर गयो ।’

 प्रतिक्रिया

तपाईको इ-मेल ठेगाना प्रकाशित हुँदैन। आवश्यक क्षेत्रहरू चिनो लगाइएका छन् *