कला/साहित्य

विजय चालिसेका तीन कृति बजारमा

काठमाडौँ । वरिष्ठ पत्रकार एवं साहित्यकार विजय चालिसेका तीन नयाँ कृति बजारमा आएका छन् ।


चालिसेका ‘सर्पदंशित मेरो वर्तमान’, ‘परिशीलन’ र ‘मरुभूमिको फूल’ नामक तीन कृति बजारमा आएका हुन् । ‘सर्पदंशित मेरो वर्तमान’ मा यसअघि विभिन्न पत्रपत्रिकामा छापिएका चालिसेका २७ वटा उत्कृष्ट निबन्ध सङ्ग्रहित छन् । ‘परिशीलन’ नेपाली साहित्य, भाषा र आमसञ्चारबारे अनुसन्धानात्मक पुस्तक हो जसमा विभिन्न १० शीर्षकका लेख छन् ।

‘मरुभूमिको फूल’ भने नियात्रा तथा संस्मरणको सङ्गालो हो । तीनवटै कृतिको प्रकाशन बीएन पुस्तक संसारले गरेको हो । चालिसे नेपाली साहित्यमा कथा क्षेत्रका सुपरिचित व्यक्तित्व हुन् । उनले लामो समयदेखि कार्यपत्र र अन्य रचनाका रूपमा भाषा, साहित्य, संस्कृति र सञ्चार विषयका खोजमूलक लेखको समेत रचना गर्दै आएका छन् । बालसाहित्य, संस्कृति, सञ्चार विषयका गरी उनका करीब छ दर्जन कृति प्रकाशित छन् ।

 प्रतिक्रिया

तपाईको इ-मेल ठेगाना प्रकाशित हुँदैन। आवश्यक क्षेत्रहरू चिनो लगाइएका छन् *

ताजा अपडेट