समाचार

नवलपरासीबाट काठमाडौं हिँडे विप्लव प्रधानमन्त्रीलाई भेट्न

काठमाडौं । नेकपा महासचिव नेत्रविक्रम चन्द विप्लव दुई वर्षको भूमिगत राजनीतिक जीवनपछि पहिलोपटक सावर्जनिक भएका छन् । उनी नवलपरासीमा शुक्रबार बिहान सार्वजनिक भएका हुन् ।

सरकारसँगको वार्ता सहमतिमा पुगेपछि नेकपाका महासचिव विप्लवले आज राष्ट्रिय सभागृहमा प्रधानमन्त्री केपी ओलीसँग एउटै मञ्चमा सम्बोधन गर्दैछन् ।

विप्लव नवलपरासीमा सहिद परिवारसँग भेटघाट गरी काठमाडौं आउँदैछन् । सरकारले उनलाई हेलिकोप्टरमा आउन आग्रह गरेको थियो । तर, उनी गाडीमार्फत आउँदैछन् । हेलिकोप्टरमा असुरक्षित भएको भन्दै उनी गाडीमा आउन लागेका हुन् ।

सरकार र नेकपाबीच बिहीबार तीनबुँदे सहमति भएको थियो । बिहीबार नै सरकारले नेकपामाथि लागेको प्रतिबन्ध फुकुवा गरेको थियो ।

 प्रतिक्रिया

तपाईको इ-मेल ठेगाना प्रकाशित हुँदैन। आवश्यक क्षेत्रहरू चिनो लगाइएका छन् *