मनोरञ्जन

अक्षय कुमारलाई कोरोना संक्रमण, बसे होम क्वारिन्टनमा

एजेन्सी । भारतमा कोरोना संक्रमण तीव्र फैलिरहेको छ । पछिल्लो ६ महिनायता २४ घन्टामा भारतमा ९२ हजार संक्रमित थपिएका छन् ।
भारतमा कोरोनाविरुद्धको खोप अभियान जारी रहे पनि संक्रमण तीव्र फैलिएपछि नरेन्द्र मोदी सरकार संकटमा परेको छ ।

यसैक्रममा बलिउड अभिनेता अक्षय कुमारले आफूमा कोरोना संक्रमण पुष्टि भएको जानकारी दिएका छन् । अक्षयले आइतबार बिहान सामाजिक सञ्जालमार्फत आफू आज बिहान मात्रै कोरोना संक्रमित भएको पुष्टि भएको जानकारी दिएका हुन् ।

संक्रमण पुष्टि भएको जानकारी पाउना साथ आफू आइसोलेसनमा बसेको उनले उल्लेख गरेका छन् । अक्षयले आफूसँग भेटघाट र सम्बन्ध भएकालाई परीक्षण गर्न पनि सुझाव दिएका छन् ।

 प्रतिक्रिया

तपाईको इ-मेल ठेगाना प्रकाशित हुँदैन। आवश्यक क्षेत्रहरू चिनो लगाइएका छन् *