कला/साहित्य

शुभ कामना यो

नयाँ शिरामा शुभ कामना यो
सास्ती हराऊन् शुभ वन्दना यो !
विरक्तिका दुर्दिन भै नआऊन्
जुनी निरोगी दिन हर्ष छाऊन् ।१।

मभित्र ऊर्जा भरियून् सधंै नै 
अज्ञानता फालिदिऊन् सधँै नै ।
टुसा पलाऊन् नव आँकुरामा 
हाँसून् खुसी पल्लव टाकुरामा ।२।

सुविज्ञ ज्ञाता शिर भव्यका हून्
आलोक आलोकित नव्यता हून् !
आदर्श मान्छे दिलमा पसून् कि ?
प्रणम्य प्रातःस्मरणीय हून् ती ।२।

वसुन्धरा धैर्य बनोस् उज्यालो
जालन्धरी त्राहि हिंडोस् अँध्यारो !
विक्षिप्त अश्लील थियो हिजै त्यो
फर्की नआओस् दिन फेरि कालो ।४।

समृद्घशाली दिन ढल्कियून् ती
उदारताका दिल फक्रियून् ती ।
बोकेर जाऊन् फुट तिक्त बोली
फर्केर आऊन् मृदु कण्ठ खोली ।५।

सम्पन्नता बोक धरा उघारी
विपन्नता फ्याँक सबै बढारी ।
नौलाख माया भर विश्वमा नै
नवीनताको शुभकामना यो ।६।


*               *              *
मादी, संखुवासभा
हालः लोकन्थली, भक्तपुर
                                                

 प्रतिक्रिया

तपाईको इ-मेल ठेगाना प्रकाशित हुँदैन। आवश्यक क्षेत्रहरू चिनो लगाइएका छन् *