समाचार

डाँका मुद्दामा संलग्न ५ जना अभियुक्त पक्राउ

सुनसरी । डाँका मुद्दामा संलग्न रहेको अभियोगमा ५ जनालाई प्रहरीले पक्राउ गरेको छ । पक्राउ पर्नेहरुमा ईटहरी उपमहानगरपालिका-१३ खनार बस्ने ३२ वर्षीय नमाजुद्दिन आलम, दुहवी नगरपालिका-६ छातावेली टोल बस्ने २८ वर्षीय मर्तुजा मियाँ, मोरङ बुढीगंगा गाउँपालिका-४ बस्ने ३० वर्षीय अजिम मिया, सुनसरी बर्जु गाउँपालिका-१ बस्ने ३६ वर्षीया सृजना चौधरी र सर्वन उराव रहेका छन् ।

घटनाको मुख्य योजनाकार सृर्जना चौधरीले आफ्नो घरमा २०७७ जेठ २३ गते मानिसहरु प्रवेश गरी घर तथा स्कुटर तोडफोड गरेको विषयमा आफ्नै काका ससुरा बर्जु गाउँपालिका-१ बस्ने सुभाष चौधरीलाई शंका गरी रिसइवि साध्ने सोचले आफ्नो श्रीमानको हकमा रहेको पैत्रिक सम्पत्ति वेचबिखन गरी ३० लाख रुपैयाँ घरमै राखेकाे बताएका थिए ।

साेही आधारमा २०७७ फागुन ६ गते राति सुभाषको घरमा गई सुभाष र उनका परिवारलाई कुटपिट गरी घरमा भएको नगद ५४ हजार रुपैयाँ लुटी लगेको अनुसन्धानबाट खुल्न आएको छ । साथै मिस फायर भएको १ राउण्ड गोली समेत प्रहरीले बरामद गरेको छ । उनीहरु उपर जिल्ला अदालत सुनसरीबाट १० दिन म्याद थप अनुमति लिई आवश्यक अनुसन्धान भइरहेको जिल्ला प्रहरी कार्यालय सुनसरीले जनाएको छ ।

 प्रतिक्रिया

तपाईको इ-मेल ठेगाना प्रकाशित हुँदैन। आवश्यक क्षेत्रहरू चिनो लगाइएका छन् *