देश

धनराज गुरुङको ओलीलाई कटाक्ष : तपाईको पालामा रेल र पानीजहाजको फोटो देखिएन, साह्रै अन्याय भयो

काठमाडौं । नेपाली कांग्रेसका युवा नेता धनराज गुरुङले प्रधानमन्त्री केपी ओलीमाथि जवाफी हमला गरेका छन् ।

ओलीले बुधबार एक कार्यक्रममा कांग्रेसको सरकारका पालामा चलेको डोजरको फोटो देखाएर अहिले चुरे दोहन भएको भन्दै आफ्नो सरकारको विरोध गरेको अभिव्यक्ति दिएका थिए । ओलीको सो अभिव्यक्तिप्रति नेता गुरुङले बिहीबार दिउँसो कडा जवाफ दिएका छन् ।

नेता गुरुङले सामाजिक सञ्जालमार्फत साढे तीन वर्षदेखि ओली प्रधानमन्त्री भएयता एउटा पनि डोजर चलेको छैन भनेर प्रश्नसमेत गरेका छन् । उनले कांग्रेसको पालामा चलेको डोजरको फोटोमा देखाइएको तर ओलीको पालामा चलेको रेल र पानीजहाजको फोटो किन नदेखाएको भन्दै आलोचना गरेका छन् ।

‘कांग्रेसको पालामा चलेको डोजरको फोटो देखाएर चुरे मासियो भन्दैछन्। प्रम ओली। त्यही त प्रमज्यू, तपाईं प्र.म भएको साढे तीन वर्षदेखि त एउटा पनि डोजर चलेकै छैन। बरु हजुरको पालामा चलाएको रेल र पानीजहाजको फोटो भने कहिल्यै देखाउँदैनन्। प्रमज्यूप्रति साह्रै अन्याय भयो हजुर,’ उनले लेखेका छन् ।

 प्रतिक्रिया

तपाईको इ-मेल ठेगाना प्रकाशित हुँदैन। आवश्यक क्षेत्रहरू चिनो लगाइएका छन् *

ताजा अपडेट