कला/साहित्य

गुरु

गुरु गौरव हुन् सुर सौरभ हुन्
गुरु हार जुहारत दौलत हुन् ।
गुरु पालक पारख प्रेरक हुन्
गुण ज्ञान सदैव सजावट हुन् ।।

    गुरु पार्वत व्यास वृहस्पति हुन् 
    गुरु नानक काबिल काव्य बनुन् !
    अनुवाद प्रभास प्रभा प्रभुझैं
    बल बर्गत बुद्घ विनायकझैं ।।

गुरुमा गुरुबा मननीय सधैं
धरती भरमा गुरु नायकझैं ।
करुणा र क्षमा सपना विपना
शिर शिक्षक दीक्षक हुन् उपमा ।।

    अभिवादन पाठ पढाउँदछन् 
    गुरु सङ्ग्रह सागर जाँगर हुन् ।
    गुरु मन्त्र दिने गुरु तन्त्र दिने
    गुरु अक्षर शब्द विचार दिने ।।

गुरु– शिष्य सधैं नङमासु सरि
गुरुबेगर जीवन धन्य कहाँ ।
गुरु शिर सदैव सिरान हुने
गुरु बिर्सिदिए अपमान हुने ।।

    लटरम्म लता फल बोट हुँदो 
    उखुमा कति स्वाद मिठास मिठो !
    अनुशासन नित्य चरित्र सबै
    गुरु सार्थक सर्जक तीर्थ सबैं ।।

गुरु नै प्रतिभा परिणाम उचा
प्रतिमा स्मृति स्मारक हार्दिकता ।
गुरु–मार्ग लिई हिंड गर्व गरी
शिशु कर्मठ मै घुम विश्वभरि ।।

    किन चालक ऊ कहलिन्छ गुरु ?
    कति वस्त्र सिएर बनिन्छ गुरु ?
    गुरु ज्ञान विवेक कहाँ छ कहाँ !
    थप आदर दाम छ ज्योति जहाँ ! ।। 
  *            *             *


मादी न.पा.– ६, संखुवासभा
हालः लोकन्थली, भक्तपुर
९८४२०९९८३१

 प्रतिक्रिया

तपाईको इ-मेल ठेगाना प्रकाशित हुँदैन। आवश्यक क्षेत्रहरू चिनो लगाइएका छन् *