समाचार

श्रीलंकामा जारी कर्फ्युको म्याद फेरि थप

काठमाडौं । श्रीलंकामा जारी देशव्यापी कर्फ्युको म्याद फेरि थप गरिएको छ । श्रीलंकन स्वास्थ्य मन्त्री केहेलिया राम्बुक्वेलाका अनुसार थप गरिएको कर्फ्यु आगामी अक्टोबर १ सम्म लागू हुनेछ ।

कोरोना जोखिम कायमै रहेको र सक्रमण थप फैलिनसक्ने भन्दै कर्फ्युको म्याद थप्नु परेको उनले जनाएका छन् ।

राष्ट्रपति गोटावाया राजापाक्षेको अध्यक्षतामा बसेको राष्ट्रपतीय कार्यदलको बैठकले कर्फ्युको म्याद थप्न अनुमति दिएको हो । श्रीलंकामा अहिले पनि डेल्टा भेरियन्टको कोरोनाभाइरस तिव्र रुपमा फैलिएको विज्ञहरुले जानकारी दिएका छन् ।

श्रीलंकामा अहिलेसम्म चार लाख ९८ हजार ६ सय ९४ जना कोभिढ संक्रमित भएका छन् भने ११ हजार ८ सय १७ जनाको मृत्यु भएको छ ।

 प्रतिक्रिया

तपाईको इ-मेल ठेगाना प्रकाशित हुँदैन। आवश्यक क्षेत्रहरू चिनो लगाइएका छन् *