राजनीति

प्रचण्डको भिन्न तयारी,संविधानमा नोट अफ डिसेन्ट किन भने ?

काठमाण्डौं । फुटेर छिन्न भिन्न भएको माओवादी पुन जुटाउने तयारीमा नेकपा माओवादी अध्यक्ष पुष्पकमल दाहाल प्रचण्ड लागेका छन । चुनाव अघि नै माओवादी जति एक पार्ने तयारीमा उनी जुटेको माओवादी स्रोतको दावी छ ।


माओवादी अध्यक्ष पुष्पकमल दाहाल प्रचण्डले हालै मात्र एक अभिब्यक्ति दिएका छन–संविधान हामीले शतप्रशित मानेको होइन,यसमा हाम्रो नोट अफ डिसेन्ट छ । हालै भएको केन्द्रीय समितिको वैठकमा उनले यो पाराले माओवादी चल्दैन मात्र भनेनन यस्तै गरि पार्टी चलाउने हो भने विघटन गरौं सम्म भने । आखिर प्रचण्डले यसो किन भने त ? खासमा प्रचण्ड यतिवेला पार्टी विस्तारको तयारीमा छन । उनी पुर्वमाओवादीलाई समेटने योजनामा जुटेका छन ।

माओवादी स्रोतका अनुसार,प्रचण्डले यसवीचमा विप्वलव देखि वैद्यसम्म सम्वाद गरिसकेका छन । नेत्रविक्रम चन्द यतिवेला पनि जनमतसंग्रहबाट वैज्ञानिक समाजवादमा जाने बताइरहेका छन । विप्लव र प्रचण्ड सहमतिको नजिक पुगेको बताइन्छ । यहि वीचमा मोहन वैद्य किरणसँग भएको वार्ता पनि सकारात्मक मोडमा पुगेको बताइएको छ । विप्लव र वैद्यसँग एकताको लागि ढोका खुल्ला गर्नको लागि नै प्रचण्डले पछिल्लो वैठकमा संविधानमा नोट अफ डिसेन्ट लेखेको भनेर वताएको बताइएको छ ।

प्रचण्ड अरु त अरु गोपाल किरातीसँग समेत सम्वाद गरिसकेका छन । चुनाव अघि नै पूर्वमाओवादी जुटाउने र कम्तिमा चार वटा घटकसँग मोर्चावन्दी गरेर चुनावमा जाने तयारीमा छन । विश्वस्त स्रोतका अनुसार कांग्रेससंग चुनावी मोर्चा हुन कठिन छ भन्ने प्रचण्डले वुझेका छन । यसैले,निश्चित स्थानमा चुनावी गठवन्धन गर्ने खाका बनाएर प्रचण्ड बसेका छन ।

 प्रतिक्रिया

तपाईको इ-मेल ठेगाना प्रकाशित हुँदैन। आवश्यक क्षेत्रहरू चिनो लगाइएका छन् *