विचार

गगन थापाको अपिल- पार्टीको पुनर्निर्माणका लागि काबिल नेतृत्व छनोट गरौँ

काठमाडौँ । नेपाली काँग्रेसका युवा नेता गगन थापाले पार्टीको पुननिर्माणका लागि काबिल नेतृत्व छनोट गर्न अपिल गरेका छन् । काँग्रेसको पालिका तहको अधिवेशन आजबाट शुरुहुन लागेको अवसरमा सामाजिक सञ्जालमार्फत नेता थापाले यस्तो अपिल गरेका हुन् ।


उनले जग बलियो भयो भने मात्रै घर बलियो बन्न सक्छ, जरा बलियो भयो भने मात्रै काँग्रेसको रुख सिङ्गो देशको छहारी बन्न सक्ने बताएका छन् ।

उनले भनेका छन्-

स्थानीय तहका लागि नेतृत्व छनोट गर्न नेपाली काँग्रेसको गाउँ/नगरपालिकाको अधिवेशन आजबाट प्रारम्भ हुदैछ । देश संघीयतामा गइसकेपछिको यो पहिलो अधिवेशन हो । संघीय संरचनामा स्थानीय तह पार्टीको जनतासँगको पहिलो र महत्त्वपूर्ण संवाद विन्दु हो, जग हो, मुहान हो । जग बलियो भयो भने मात्रै घर बलियो बन्न सक्छ, जरा बलियो भयो भने मात्रै काँग्रेसको रुख सिङ्गो देशको छहारी बन्न सक्छ ।

आजको अधिवेशनबाट स्थानीय तहको विकास, पार्टी संगठनको सबलीकरणसँगै पार्टी पुनर्निर्माणको लागि काबिल नेतृत्व छनोट गर्नुहुनेछ भन्ने विश्वास सहित आज हुन गइरहेका गाउँपालिका, नगरपालिका अधिवेशनको सफलताको कामना गर्दछु ।

 प्रतिक्रिया

तपाईको इ-मेल ठेगाना प्रकाशित हुँदैन। आवश्यक क्षेत्रहरू चिनो लगाइएका छन् *