अर्थ

महिला लघुवित्तको सेयर मूल्य समायोजन

काठमाडौं।नेपाल स्टक एक्सचेञ्ज (नेप्से)मा महिला लघुवित्त वित्तीय संस्था लिमिटेडको सेयर मूल्य समायोजन गरेको छ । बोनस सेयर समायोजनपछिको भाउ नेप्सेले ३६ सय ५८ रुपैयाँ ९८ पैसा निर्धारण गरेको छ । लघुवित्तले साधारणसभा तथा लाभांश वितरण प्रयोजनका लागि लघुवित्तले बुकक्लोज गरेसँगै नेप्सेले सेयर मूल्य समायोजन गरी नयाँ मूल्य निर्धारण गरेको हो।

नेप्सेले यस दिन लघुवित्तको ४७ दशमलव ५० प्रतिशत बोनस सेयर समायोजन गरेको हो। बिहीबार यही समायोजित मूल्यलाई आधार मानेर दोस्रो बजारमा लघुवित्तको सेयर कारोबार खुल्नेछ।

नेप्सेले अघिल्लो कारोबार दिनको अन्तिम मूल्यका आधारमा लघुवित्तको सेयर मूल्य समायोजन गरेको हो । बुधबार लघुवित्तको सेयर प्रतिकित्ता पाँच हजार ३९७ रुपैयाँमा अन्तिम कारोबार भएको थियो ।

लघुवित्तले ५० प्रतिशत लाभांश वितरण गर्न २२ मंसिरमा चौथो वार्षिक साधारणसभा आह्वान गरेको छ ।

 प्रतिक्रिया

तपाईको इ-मेल ठेगाना प्रकाशित हुँदैन। आवश्यक क्षेत्रहरू चिनो लगाइएका छन् *