कर्णाली प्रदेश

कर्णाली प्रदेश सभाको नवौं अधिवेशन अन्त्य

सुर्खेत । कर्णाली प्रदेश सभाको नवौं अधिवेशन अन्त्य भएको छ ।

मुख्यमन्त्री जीवनबहादुर शाहीले विश्वासको मत लिने प्रयोजनका लागि मंसिर १४ गते आह्वान गरिएको अधिवेशन अन्त्य गरिएको हो ।

प्रदेश सरकारको सिफारिसमा प्रदेश प्रमुख तिलक परियारले बुधबार राति १२ बजेदेखि लागू हुने गरी अधिवेशन अन्त्य गरेको प्रदेश प्रमुखको कार्यालयले जनाएको छ ।

प्रदेश प्रमुख कार्यालयका निमित्त सचिव भीमराज थानीद्वारा जारी विज्ञप्तिमा भनिएको छ, ‘नेपालको संविधानको धारा १८३ को उपधारा ९२० बमोजिम बुधबार राति १२ बजेबाट कर्णाली प्रदेश सभाको चालु नवौं अधिवेशन अन्त्य गरिएको व्यहोरा जानकारी गराइन्छ ।’

दुईवटा बैठक बसेर अन्त्य गरिएको नवौं अधिवेशनमा प्रमुख प्रतिपक्षी दल नेकपा एमाले भने सहभागी भएन् ।

 प्रतिक्रिया

तपाईको इ-मेल ठेगाना प्रकाशित हुँदैन। आवश्यक क्षेत्रहरू चिनो लगाइएका छन् *