कला/साहित्य

‘बी’ ग्रेडका फिल्ममा अभिनय गरेका यी अभिनेत्रीहरू

काठमाडौं । बलिउड सेलिब्रेटीहरू कुनै न कुनै कारण चर्चामा आइरहन्छन् । चाहे त्यो फिल्मी करियरलाई लिएर होस् या निजी जीवनका कारण नै किन नहोस् । यो मामलामा विशेषत अभिनेत्रीहरू अगाडि छन् । प्रायः अभिनेत्रीहरू आफ्नो बोल्ड शैलीका कारण चर्चामा आइरहन्छन् । बलिउडमा यस्ता केही अभिनेत्रीहरू छन्, जसले ‘बी’ ग्रेडका फिल्ममा आफ्नो हट र बोल्ड शैलीले तहल्का मच्चाएका थिए ।

कटरीना कैफ

बलिउडकी सुन्दर अभिनेत्री कटरीना कैफले कुनै समय ‘बी’ ग्रेडको फिल्ममा पनि अभिनय गरेकी थिइन् । सन् २००३ मा रिलिज फिल्म ‘बुम’मा कटरीनाले अभिनेत्री गुलशन ग्रोवरको अपोजिटमा रही अभिनय गरेकी थिइन् । यो फिल्ममा अभिनेत्रीले एकसे एक बोल्ड दृश्य दिएकी थिइन् ।

नेहा धुपिया

बलिउड अभिनेत्री नेहा धुपिया केही उत्कृष्ट फिल्मका लागि चिनिन्छिन् । उनले कैयौं ‘बी’ ग्रेडका फिल्ममा पनि अभिनय गरेकी छन् । सन् २००५ मा रिलिज फिल्म ‘शीशा’ पनि त्यसमध्ये एक हो । यो फिल्ममा उनले निकै बोल्ड दृश्य दिएकी थिइन् ।

पायल रोहतगी

‘बी’ ग्रेडका फिल्ममा अभिनय गर्ने अभिनेत्रीको सूचीमा पायल रोहतगीको नाम छुट्दैन । सन् २००४ मा रिलिज फिल्म ‘तौब-तौबा’मा उनी निकै बोल्ड देखिएकी थिइन् । हालैमात्र कंगना रनावतको प्रख्यात रियालिटी शो ‘लक अप’मा पायल उपस्थित भएकी थिइन् ।

अर्चना पुरन सिंह

अभिनेत्री अर्चना पुरन सिंह अहिले ‘द कपिल शर्मा शो’का कारण चर्चामा छिन् । अर्चनाले पनि ‘बी’ ग्रेडको फिल्म ‘रात के गुनाह’मा आफ्नो बोल्डनेस देखाइसकेकी छन् । यो फिल्म सन् १९९४ मा रिलिज भएको थियो ।

ईशा कोप्पिकर

अभिनेत्री ईशा कोप्पिकरले बलिउडका धेरै ठूला फिल्ममा अभिनय गरेकी छन् । तर कुनै समयमा उनले ‘हसीना’ र ‘गलप्रेण्ड’ जस्ता ‘बी’ ग्रेडका फिल्ममा अभिनय गरेकी थिइन् ।

प्रिती झंगियानी

अभिनेत्री प्रीती झंगियानी पनि ‘बी’ ग्रेडको हिस्सा बनिसकेकी छन् । उनले सन् २००६ मा रिलिज फिल्म ‘हसीना’मा आफ्नो बोल्ड अन्दाज देखाएकी थिइन् ।

ममता कुलकर्णी

९० दशककी लोकप्रिय अभिनेत्री ममता कुलकर्णीले आफ्नो करियरमा कैयौं फिल्ममा अभिनय गरिन् । यसबाहेक उनले सन् २००० मा रिलिज ‘बी’ ग्रेडको फिलम ‘डिवाइन टेम्पल खजुरा’मा पनि अभिनय गरिन् ।

 प्रतिक्रिया

तपाईको इ-मेल ठेगाना प्रकाशित हुँदैन। आवश्यक क्षेत्रहरू चिनो लगाइएका छन् *