सम-सामयिक

बत्तिसपुतलीमा शेखर समूहको चियापान

काठमाडौँ । नेपाली कांग्रेसको शेखर कोइराला समूहले आज चियापान कार्यक्रमको आयोजना गरेको छ । बत्तिसपुतलीस्थित अनुपम फुडल्यान्डमा आज बिहान चियापन कार्य्रकम हुँदैछ ।

चियानपान कार्यक्रममा आगामी रणनीतिबारे छलफल हुने नेताहरूले बताएका छन् । चियापान कार्यक्रमको शीर्षक ‘दसैँ तिहारको शुभकामना आदानप्रदानसँगै पार्टीको आन्तरिक एकता, समान अवसर र एकताका लागि’ राखिएको छ ।

निर्वाचन आयोगमा बुझाइएको प्रतिनिधिसभाको समानुपातिकतर्फको बन्दसूचीप्रति शेखर समूहले असन्तुष्टि जनाउँदै आएको छ । शेखर समूहका नेताहरूले संस्थापन पक्षविरुद्ध विभिन्न गतिविधिसमेत गर्दै आएका छन् ।

बिहीबार उनीहरूले पार्टी कार्यालय सानेपामा धर्ना दिएका थिए । आफूहरूले सम्मानजक भाग नपाए गठबन्धनलाई नै हराउने उनीहरूको चेतावनी छ ।

 प्रतिक्रिया

तपाईको इ-मेल ठेगाना प्रकाशित हुँदैन। आवश्यक क्षेत्रहरू चिनो लगाइएका छन् *