निर्वाचन-२०७९

सिन्धुपाल्चोक २ मा कांग्रेस नेता बस्नेत निर्वाचित, जिल्लामै एमाले शून्य

काठमाडौं । पूर्वसञ्चारमन्त्री मोहनबहादुर बस्नेत नेपाली कांग्रेसका प्रभावशाली केन्द्रीय सदस्य हुन् । सिन्धुपाल्चोकमा उनी बलियो संगठन छ । त्यही प्रभावका कारण आफ्नो निर्वाचन क्षेत्र छाडेर अर्को निर्वाचन क्षेत्र गएर पनि उनले सानदार ढंगले चुनाव जितेका छन् ।

बस्नेत सधैं सिन्धुपाल्चोक १ बाट उठ्दै आएका थिए । तर यसपटक गठबन्धनका कारण माओवादीलाई सो क्षेत्र छाडेकाले उनी सिन्धुपाल्चोक २ बाट उम्मेदवार बने । उनले एमालेका शेरबहादुर तामाङलाई भारी मतान्तरले पराजित गरेका छन् । बस्नेत ३९ हजार ३६७ मत ल्याएर निर्वाचित भएका हुन्। उनका निकटतम प्रतिद्वन्द्वी एमालेका तामाङले २७ हजार ४९३ मत पाएका छन्।

प्रदेशसभा (क) मा माओवादीका युवराज दुलाल २० हजार ९०६ मतसहित निर्वाचित हुँदा एमालेका अमानसिंह तामाङ १२ हजार १३९ मतमा सीमित भएका छन् । प्रदेश सभान (ख) मा कांग्रेसका कृष्णकुमार तामाङले १७ हजार ७५८ मतसहित चुनाव जित्दा एमालेका हस्त पण्डितले १६ हजार २५३ मत ल्याए ।

गठबन्धनले सिन्धुपाल्चोक १ मा पनि तीनवटै क्षेत्र जितेको छ । एमालेलाई शून्य बनाइदिएको छ । यसो हुनुमा कांग्रेस नेता बस्नेतको ठूलो भूमिका रहेको देखिन्छ । किनभने सिन्धुपाल्चोक १ र २ दुवैमा बस्नेतले संगठन मजबुत बनाएका छन् ।

 प्रतिक्रिया

तपाईको इ-मेल ठेगाना प्रकाशित हुँदैन। आवश्यक क्षेत्रहरू चिनो लगाइएका छन् *