रिबन

सुकुम्बासीहरुले गरे महानगरको कार्यालय घेराउ

काठमाडौं । थापाथलीस्थित वाग्मती नदी किनारका सुकुम्बासीहरुले काठमाडौं महानगरपालिकाको कार्यालय घेराउ गरेका छन् । सोमबारको तनावपछि उनीहरूले मंगलबार बिहान काठमाडौं महानगरको सुन्धारास्थित कार्यालयअगाडि धर्ना दिएका हुन् ।

उनीहरुले डोजर आतंक बन्द गर्न, बस्ति हटाउने सूचना खारेज गर्न माग गर्दै नाराबाजी गरिरहेका छन् ।

सोमबार महानगरले बस्ती हटाउन डोजर लिएर गएपछि स्थानीयले प्रतिरोध गरेका थिए ।

सोमबारको झडपमा स्थानीयले नगर प्रहरीको टोलीमाथि ढुंगामुढा गरिएको थियो । सो झडपमा नगर प्रहरी प्रमखु राजुनाथ पाण्डेसहित ३६ नगर प्रहरी घाइते भएका महानगरले जनाएको छ । घाइते मध्ये तीन जनाको नर्भिक अस्पतालको आइसीयुमा उपचार भइरहेको छ ।

 प्रतिक्रिया

तपाईको इ-मेल ठेगाना प्रकाशित हुँदैन। आवश्यक क्षेत्रहरू चिनो लगाइएका छन् *