काठमाडौं । नेपाल क्रिकेट संघ क्यानले बलात्कारको आरोपमा निलम्बनमा परेका क्रिकेटर सन्दीप लामिछानेलाई टिममा फर्काउने छलफलमा रहेको बताएको छ ।
क्यानका अध्यक्ष चतुरबहादुर चन्दले काठमाडौंमा भएको पत्रकार सम्मेलनमा बोल्दै नेपालको विद्यमान कानूनले जे अनुमति दिन्छ त्यसै अनुसार अघि बढ्ने उल्लेख गरेका छन । नेपालको प्रचलित कानुन बमोजिम अघि बढ्ने क्यानको भनाइ छ ।
‘ नेपालको कानुनले गरेको निर्णयलाई नै आधार मानेर छलफल गर्ने आईसीसीले पनि बताएको छ ।
बलात्कारको आरोपमा थुनामा रहेका सन्दीपलाई उच्च अदालत पाटनले काठमाडौं उपत्यकाबाट बाहिर जान नपाउने गरी २० लाख रुपैयाँ धरौटीमा रिहा गरेको छ ।
