काठमाडौं । भूकम्प प्रभावितहरुका लागि चीन सरकारले उपलब्ध गराएको राहत सामग्री चिनियाँ राजदूत छन सोङले उपप्रधानमन्त्री एवं गृह मन्त्री नारायणकाजी श्रेष्ठलाई हस्तान्तरण गरेका छन् । यी सामग्री चीन सरकारले दुईवटा चिनियाँ जहाजमार्फत् ढुवानी गरेको हो । करिब २८ करोड रुपैयाँ (डेढ करोड युआन) बराबरको सामग्रीमा त्रिपाल तथा व्ल्यांकटलगायतका सामग्री छन् ।
हस्तान्तरण कार्यक्रममा धारणा राख्दै उपप्रधानमन्त्री श्रेष्ठले आपतकालीन अवस्थामा सहयोग गरेकोमा चीन सरकारलाई धन्यवाद दिए । यी सामाग्री आजै प्रभावित क्षेत्रमा पठाईने छ ।
