काठमाडौं । कतारका विदेश राज्यमन्त्री सोल्तान बिन साद अल मुरैखीले प्रधानमन्त्री पुष्पकमल दाहाल ‘प्रचण्ड’सँग भेटवार्ता गरेका छन् ।
प्रधानमन्त्री निवास बालुवाटार पुगेर विदेश राज्यमन्त्री सोल्तान बिनले प्रचण्डसँग शिष्टाचार भेटवार्ता गरेका हुन् । उनीहरुबीचको भेटमा दुई देशको सम्बन्धका बारेमा छलफल भएको प्रधानमन्त्रीको सचिवालयले जनाएको छ ।
आज नै राज्यमन्त्री अल मुरैखीको टोलीले परराष्ट्रमन्त्री एनपी साउदसँग पनि भेटवार्ता गरेको थियो । भेटमा परराष्ट्रमन्त्री साउदले हमासको नियन्त्रणमा रहेका नेपाली विद्यार्थी विपीन जोशीको रिहाइका लागि पहल गरिदिन आग्रह गरेका थिए ।
नेपालको दुई दिने भ्रमणका लागि बिहीबार काठमाडौं आएका अल मुखैरी आजै स्वदेश फर्कदैछन् ।
