धर्म/सस्कृति

आज चन्द्रग्रहण लाग्दै, कुन राशीलाई कस्तो प्रभाव

काठमाडौं । आज चन्द्र ग्रहण लाग्दैछ । सन् २०२० को यो पहिलो चन्द्रग्रहण हो । आजको चन्द्र ग्रहण राति १० बजेर ५२ मिनेटदेखि प्रारम्भ भएर राति २ः५७ बजेसम्म ४ घण्टा ५ मिनेटसम्म चल्नेछ ।
यसपटकको चन्द्र ग्रहण नेपालसँगै भारत, एशिया, यूरोप, अफ्रिका तथा अष्ट्रेलिया महाद्वीपहरुका थुप्रै देशहरुबाट देख्न सकिनेछ।

सन् २०२० मा चार वटा चन्द्र ग्रहणहरु लाग्दैछन् । २०२० मा लाग्ने अन्य ग्रहण ५ जुन, ५ जुलाई र ३० नोभेम्बरमा पनि लाग्ने छन्।
यो पटक चन्द्र ग्रहणका क्रममा चन्द्र मिथुन राशिमा बस्नेछ। ज्योतिषका अनुसार जुन राशिमा ग्रहण लाग्छ त्यस राशिमा सबैभन्दा बढी प्रभाव पर्ने गर्दछ। यस ग्रहणमा मिथुन राशिले विशेष ध्यान दिन आवश्यक हुने ज्योतिषले बताएका छन्।

यसपटकको चन्द्र ग्रहण उपछायाँ ग्रहण हुनेछ । जसमा चन्द्रमा पूर्ण रुपमा लुक्ने छैन, न त चन्द्रमाको कालो छायाँ पृथ्वीमाथि पर्नेछ । आंशिक छायाँ चन्द्रमा ग्रहण पूर्ण र आंशिक चन्द्र ग्रहणभन्दा पनि कमजोर हुनेछ । त्यसैले यसलाई स्पष्ट रुपमा देख्न सकिँदैन ।
कुन राशिमा कस्तो फलः

शुभ फल कुम्भ, तुला, मीन, कर्कट

मध्यम फलः मेष, कन्या, मिथुन, सिंह

अशुभ फलः मकर, वृश्चिक, वृष, धनु
यो वर्ष १५ दिनको अन्तरमा यो दोस्रो ग्हण हो । पुस १० गते खण्डग्रास सुर्यग्रहणलागेको थियो ।

 प्रतिक्रिया

तपाईको इ-मेल ठेगाना प्रकाशित हुँदैन। आवश्यक क्षेत्रहरू चिनो लगाइएका छन् *