मुम्बई । बलिउड यतिबेला दुई फिल्म ‘छपाक’ र तानाजी ः द अनसंग वारियर’को चर्चा छ । गत शुक्रबारबाट एकसाथ सार्वजनिक प्रदर्शनमा आएका यी दुई फिल्म मध्य ब्यवसायको मावलामा फिल्म ‘तानाजी’ अगाडि देखिएको छ ।
रिलिजको केही अगाडि बिवादमा फसेको दीपिका पादुकोण अभिनित फिल्मले पहिलो दिन ५ करोडको आम्दानी गर्न सफल भएको छ । यसको तुलनामा फिल्म ‘तानाजी’ निकै अगाडि देखिएको छ ।
‘तानाजी’ले बक्स अफिसमा पहिलो दिन करिब १५ करोडको ब्यवसाय गरेको बताइएको छ । फिल्मको आम्दानी एक सातामा ५० करोड पुग्ने अनुमान गरिएको छ ।
फिल्म ‘छपाक’लाई लिएर अहिले धेरै राजनीति भइरहेको छ । फिल्मका लागि राजस्थान, मध्य प्रदेश, छत्तीसगढ, पुडुचोरीमा ट्याक्स फ्रि गरिएको छ । फिल्ममा दीपिकाको साथ बिक्रान्त मेस्सीको पनि मुख्य भुमिका रहेको छ ।
तानाजीमा अभिनेता अजय देवगनको अलवा नेगेटिभ भुमिकामा सैफअल खान पनि देखिएका छन् । फिल्मको कथालाई दर्शकले निकै तारिफ पनि गरेका छन् ।
