काठमाडौँ । साउदी प्रो लिग अन्तर्गत अल इत्तिहादले लगातार चौथो जित हासिल गरेको छ ।
गएराती सम्पन्न खेलमा अल इत्तिहादले अल वेहडालाई ३-० गोल अन्तरले पराजित गरेको हो ।
इत्तिहादको जितमा रोमारिन्हो, जोआओ फिलिप र इगोर कोरोनाडोले एक एक गोल गरेका थिए ।
यस खेलमा इत्तिहादका करिम बेन्जमा भने पहिलो हाफमै घाइते भएपछि मैदान छोडेका थिए । बेन्जमाको इन्जुरी बारे थप परिक्षण हुने इत्तिहादले जानकारी दिएको छ ।
यो जितपछि इत्तिहादले जारी लिगमा लगातार चार खेल जितेको छ । यो जितपछि चार खेलमा १२ अंकसहित इत्तिहाद शिर्ष स्थानमा रहेको छ ।
त्यसैगरी अल वेहडाको भने यो दोस्रो हार हो । वेहडाको ४ खेलमा ६ अंक रहेको छ र लिगमा छैटौं स्थानमा रहेको छ ।
