काठमाडौँ । अर्जेन्टिनाले दक्षिण अमेरिकी विश्वकप छनौटमा लगातार चौथो जित हासिल गरेको छ । बुधबार बिहान सम्पन्न खेलमा अर्जेन्टिनाले पेरुलाई २-० गोल अन्तरले पराजित गरेको हो ।
अर्जेन्टिनाको जितमा दुवै गोल लियोनेल मेसीले गरेका थिए । मेसीले पहिलो हाफको ३२ र ४२औं मिनेटमा गोल गरेका थिए । योसँगै मेसीको अन्तर्राष्ट्रिय खेलमा गोल संख्या १०६ पुगेको छ ।
यो जितपछि अर्जेन्टिनाको ४ खेलमा चारै जितसहित १२ अंक भएको छ र अंकतालिकामा शिर्ष स्थानमा रहेको छ ।
त्यसैगरी पेरुको भने विश्वकप छनौटमा यो तेस्रो हार हो । पेरुको ४ खेलमा एक अंक छ र अंकतालिकामा नवौं स्थानमा रहेको छ ।
