काठमाडौं । रूकुम पश्चिमको मुसिकोट नगरपालिका– १ खलङ्गास्थित सत्कार होटलमा एक महिलाको घाँटी रेटेर हत्या भएको छ । उक्त होटलमा घाँटी रेटेर हत्या गर्ने संकास्पद व्यक्तीलाई प्रहरीले नियन्त्रणमा लिएको छ । पक्राउ परेका व्यक्तीको नाम भने खुलाएको छैन् । जिल्ला प्रहरी कार्यालयका डीएसपी नमराज भट्टराईका अनुसार अहिले अनुसन्धान जारी भएका कारण पक्राउ परेका व्यक्तीको नाम सार्वजनिक नगरिएको हो ।
मुसिकोट नगरपालिकाका–७ साँखकी २८ वर्षीया भावना विक खलङ्गाको सत्कार होटेलको कोठा नम्बर १ मा मङ्गलबार बिहान मृत भेटिएकी थिइन् । साँझ कोहलपुरबाट प्रहरीको कुकुरसहितको टोलीले घटनास्थलमा अनुसन्धान गर्दा शङ्कास्पद एक व्यक्ति पक्राउ परेका हुन् । प्रारम्भिक अनुसन्धानका क्रममा हत्याको कारण आर्थिक कारोबार रहेको बुझिएको छ ।
