काठमाडौँ । भारतका अलराउन्डर हार्दिक पाण्डेयले न्यूजील्याण्डविरुद्धको खेल गुमाउने भएका छन् ।
विहिबार बंगलादेशविरुद्धको खेलमा बलिङ गर्नेक्रममा एंकलमा चोट लागेपछि मैदान छोडेका हार्दिकले आइतबार धर्मशालामा हुने न्यूजील्याण्डविरुद्धको खेल गुमाउने भएका हुन् ।
भरतीय क्रिकेट बोर्डले हार्दिकको स्क्यान गरिएको र चिकित्सकले उनलाई आराम गर्न भनेकाले आइतबारको खेलका लागि धर्मशाला नजाने जानकारी दिएको छ । हार्दिक अब सिधै अक्टोबर २९ मा हुने इङल्याण्डविरुद्धको खेलका लागि टिमसँग हुने छन् ।
बंगलादेशविरुद्धको खेलमा ०.३ ओभर बलिङ गरेपछि घाइते भएपछि मैदान छोडेका थिए । हार्दिक मैदान बाहिर गएपछि उनको ओभर विराट कोहलीले पुरा गरेका थिए ।
हार्दिकले यस विश्वकपमा उत्कृष्ट प्रदर्शन गरिरहेका छन् र उनले यसअघिका तीन खेलमा कुल ५ विकेट लिएका छन् ।
