काठमाडौँ । ईङलिश प्रिमियर लिग अन्तर्गत आर्सनलले शेफिल्ड युनाइटेडलाई फराकिलो अन्तरले पराजित गरेको छ । शनिबार सम्पन्न खेलमा आर्सनलले शेफिल्डलाई ५-० गोल अन्तरले पराजित गरेको हो ।
आर्सनलको जितमा एडिए एनकेटिहले ह्याट्रिक गरेका थिए । त्यसैगरी फाबिओ भिएरा र टाकेहिरो टोमीयासुले एक एक गोल गरेका थिए ।
आर्सनलको यो यस सिजनको सातौं जित हो । यो जितपछि १० खेलमा आर्सनलको २४ अंक भएको छ र लिगमा दोस्रो स्थानमा उक्लिएको छ ।
त्यसैगरी शेफिल्ड युनाइटेडको भने यो यस सिजनको नवौं हार हो । १० खेलमा एक अंक रहेको शेफिल्ड पुछारमा रहेको छ ।
