तेहरान । थाइल्याण्डका अधिकारीहरूले बन्धकहरुलाई छुटाउने विषयमा हमाससँग वार्ता गरेका छन् । थाइल्याण्डको प्रतिनिधिमण्डलले इरानमा हमाससँग बन्धकहरुलाई छुटाउने विषयमा वार्ता गरेको हो ।
थाई संसदका सभामुखले नियुक्त गरेको तीन सदस्यीय टोलीको नेतृत्व गरेका अरिपेन उत्तरासिनले इरानमा हमासका सदस्यहरूसँग दुई घन्टा बैठक गरेको बताएका छन् ।
वार्ताकारहरूले अक्टोबर २६ मा तेहरानमा हमासका अधिकारीहरूलाई भेटेको र बन्धक बनाएका थाई नागरिकहरूलाई सहित समयमा रिहा गरिने वाचा हमासका प्रतिनिधिले दिइएको टाइम्स अफ इजरायलले उल्लेख गरेको छ ।
अरपिनले भनेका छन्- ‘मैले उनीहरूलाई रिहा गर्न भनेको छु किनभने उनीहरू निर्दोष छन् । उनीहरूले मलाई उनीहरूको राम्रो हेरचाह गरिरहेका छन् भनेर आश्वासन दिए, तर तिनीहरूले मलाई रिलीज मिति बताउन सकेनन् । उनले वार्तापछि थाई टोली र हमास प्रतिनिधिहरुसँगै प्रार्थना समेत गरेको बताए ।
इजरायलको कृषि क्षेत्रमा लगभग ३० हजार थाई नागरिक काम गर्ने बताइएको छ ।
अक्टोबर ७ मा हमासले गरेको आक्रमणमा ३२ थाई नागरिकको ज्यान गएको थियो भने १९ जना घाइते भएका थिए जसमा करिब १४ सय मानिस मारिएका थिए जसमा अधिकांश सर्वसाधारण थिए । गाजामा २ सय ४० भन्दा बढीलाई बन्धक बनाइएको बताइएको छ ।
