देश

सर्वोच्चको न्यायाधीशमा सिफारिस भएका ६ जनाको सुनुवाइ २७ गतेदेखि

काठमाडौं । सर्वोच्च अदालतको न्यायाधीशमा सिफारिस भएका व्यक्तिहरुका विषयमा तीन दिन सुनुवाइ हुने भएको छ ।

बिहीबार बसेको संसदीय सुनुवाइ समितिले सर्वोच्चको न्यायाधीशमा सिफारिस ६ जनाका विषयमा मंसिर २४ गते छलफल गर्ने र २७, २८ र २९ गते तीन दिन सुनुवाइ गर्ने निर्णय गरेको हो ।

न्यायपरिषदको ५ मंसिरमा बसेको बैठकले सर्वोच्च अदालतको न्यायाधीशमा सारंगा सुवेदी, अब्दुल अजिज मुसलमान, महेश शर्मा पौड्याल, टेकप्रसाद ढुंगाना, सुनिल पोखरेल र बालकृष्ण ढकालको नाम सिफारिस गरेको थियो ।

समितिले यसअघि ९ मंसिरमा सर्वोच्चको न्यायाधीशमा सिफारिस व्यक्तिउपर उजुरी आह्वान गरेको थियो । हालसम्म समितिमा ९ वटा उजुरी परेको छ ।

 प्रतिक्रिया

तपाईको इ-मेल ठेगाना प्रकाशित हुँदैन। आवश्यक क्षेत्रहरू चिनो लगाइएका छन् *

ताजा अपडेट