सिन्धुली । सिन्धुलीमा छोराको बञ्चरो प्रहारबाट बुबाको ज्यान गएको छ । सिन्धुलीको हरिहरपुरगढी गाउँपालिका पञ्चचौरीस्थित लामपाते बस्ने अन्दाजी ५८ वर्षीय लालबहादुर घिमिरे विकको उनका माइला छोरा २१ वर्षीय अमृत घिमिरे विकले बञ्चरोले हिर्काएर हत्या गरेका हुन् ।
जिल्ला प्रहरी कार्यालय सिन्धुलीका अनुसार अमृतले बुबा लालबहादुर सुतेको अवस्थामा बञ्चरोले टाउकोमा प्रहार गरेका थिए । उनको घटनास्थलमै ज्यान गएको थियो । घटनाको खबर प्राए लगत्तै प्रहरी चौकी क्यानेश्वरबाट प्रहरी अधिकृतसहितको टोली खटिएकोमा विकलाई बञ्चरोसहित नियन्त्रणमा लिइएको प्रहरीले जनाएको छ । मृतक विकको शव पोष्टमार्टमका लागि सिन्धुली अस्पतालमा राखिएको छ ।
