देश

सबैभन्दा बढी घरेलु हिंसा मधेश प्रदेशमा

काठमाडौं । अहिले समाजमा घरेलु हिंसाका घटनाहरु दिनप्रति दिन बढ्दो अवस्थामा छन् । चालु आर्थिक वर्षको साउनदेखि पुससम्म ६ महिनामा घरेलु हिंसाका ८ हजार २०८ वटा मुद्दा दर्ता भएका छन् । तीमध्ये ७ हजार ४०१ जना महिला र ८१३ जना पुरूष छन् । सबैभन्दा बढी मधेश प्रदेशमा घरेलु हिंसाका घटनाहरु दर्ता भएका छन् ।

मधेश प्रदेशमा ६ महिनाको अवधिमा २ हजार ७३७ विभिन्न प्रकृतिका उजुरी दर्ता भएका छन् । यस्तै कोशी प्रदेशमा ८८२, बागमती प्रदेशमा ६३८, गण्डकी प्रदेशमा ३२८, लुम्बिनी प्रदेशमा १ हजार ३६७, कर्णाली प्रदेशमा ३९९ र सुदूरपश्चिम प्रदेशमा ६४० जनाले घरेलु हिंसाका उजुरी दर्ता गराएको प्रहरीले जनाएको छ ।

नेपाल प्रहरीका केन्द्रीय प्रहरी प्रवक्ता प्रहरी नायव महानिरीक्षक भिम प्रसाद ढकालका अनुसार काठमाडौं उपत्यकामा मात्रै १ हजार २२३ जनाले घरेलु हिंसाका उजुरी दर्ता भएका छन् ।

 प्रतिक्रिया

तपाईको इ-मेल ठेगाना प्रकाशित हुँदैन। आवश्यक क्षेत्रहरू चिनो लगाइएका छन् *