काठमाडौं । सर्वोच्च अदालतले योगराज ढकाल रिगललाई सरकारले दिएको कैद माफी उल्टाइदिएको छ ।
यसका साथै सर्वोच्चले रिगललाई तत्काल पक्राउ गरी बाँकी ११ वर्ष ११ महिना ५ दिन कैद भुक्तान गराउन पनि आदेश दिएको छ ।
अदालतको यो आदेशसँगै अब रिगल फेरि पक्राउ पर्ने भएका छन् । रिगललाई कैद मिनाहा गर्ने सरकार र स्वीकृत गर्ने राष्ट्रपति नैतिक संकटमा परेका छन् ।
नेपालगन्जका चेतन मानन्धरको हत्या अभियोगमा जन्मकैद सजाय काटिरहेका रिगल शक्ति लगाएर कैद मिनाह गर्न सफल भएका थिए ।
उनको बाँकी सजाय मिनाहा गर्न गृह मन्त्रालयले निर्णय गर्दै स्वीकृतका लागि राष्ट्रपति रामचन्द्र पौडेलसमक्ष पठाएको थियो । राष्ट्रपतिले आममाफी दिएपछि उनी असोज ३ मा संविधान दिवसको दिन छुटेका थिए ।
