काठमाडौं । अमेरिकाले सिरियामा भएको घटनाक्रमलाई लिएर प्रतिक्रिया दिएको छ । ह्वाइट हाउसले अमेरिकी राष्ट्रपति जो बाइडेनले सिरियामा भइरहेका “अनपेक्षित घटनाहरू” को निगरानी गरिरहेको बताएको छ।
यसैबीच सिरियाली प्रधानमन्त्री मोहम्मद गाजी अल जलालीले आफू दमास्कसमा रहेको र जनताको हितमा काम गर्न तयार रहेको बताएका छन् ।
सामाजिक सञ्जालमा राखिएको सन्देशमा उनले भने, ‘सिरिया आफ्ना छिमेकी र विश्वका अन्य देशहरूसँग राम्रो सम्बन्ध राख्ने साझा राष्ट्र जस्तै बन्न सक्छ।’
विद्रोही समूह एचटीएएसले आफ्नो टेलिग्राम च्यानलमा सिरियाली सहर देइर अजोरमा सरकारी सेनाले उनीहरूसामु आत्मसमर्पण गरेको बताएको छ। यो घोषणा विद्रोही समूह सहरमा प्रवेश गरेको खबर आएको एक मिनेटपछि आएको हो ।
