काठमाडौं । भाषा, साहित्य, कला र संस्कृतिको प्रवर्द्धन गर्ने उद्देश्यसहित खोटाङको दिप्रुङ चुइचुम्मा प्राज्ञ समाज द्वारा राष्ट्रव्यापी खुला कविता प्रतियोगिता र स्रष्टा सम्मान कार्यक्रम आयोजना हुने भएको छ। दिप्रुङ चुइचुम्मा प्राज्ञ समाजका अध्यक्ष , पूर्वप्रध्यानाध्यापक तथा सहित्यकार नरेन्द्र निर्विकारले एक सुचना जारी गरी सो कार्यक्रम तोकिएको निर्धारित समयमा हुने जानकारी दिए ।
उनका अनुसार कार्यक्रम चैत २९ र ३० गते बिहान १० बजे दिप्रुङ चुइचुम्मा गाउँपालिकाको पाठसोठाटार सभाहलमा हुनेछ। आयोजकले साहित्य अनुरागी, कलाप्रेमी, शिक्षक, बुद्धिजीवी तथा सम्पूर्ण स्रष्टा–सर्जकहरूलाई कार्यक्रममा उपस्थितिका लागि अनुरोध गरेको छ।
कविता प्रतियोगिताका लागि चैत ६ गतेसम्म जम्मा ३६ वटा कविता दर्ता भएको र आयोजकले जनाएको छ। प्राप्त कविताहरू निर्णायक समितिमा पठाइएको र तीमध्ये ६ वटा उत्कृष्ट कविता छनोट गरिने आयोजक समितिले जनाएको छ।
दिप्रुङ चुइचुम्मा प्राज्ञ समाजले आयोजना गर्न लागेको खुला कविता प्रतियोगितामा जम्मा ६८ वटा कविता दर्ता भएका छन् । प्राज्ञ समाजकी सचिव आस्था कोपिलाले प्रक्रियागत रुपमा कविताहरु निर्णायकको हात हातमा पुगिसकेको र त्यसमध्ये १५ वटा छनोट हुने बताएकी छिन् । छनोट भएका कविताहरु आयोजक समक्ष आइपुगेपछि सार्वजनिक गर्ने तयारी रहेको उनको भनाइ छ । सो प्रतियोगिताले स्थानीय तथा राष्ट्रिय स्तरका स्रष्टाहरूलाई साहित्यिक अभिव्यक्तिको अवसर प्रदान गर्ने विश्वास गरिएको छ। सो कविता प्रतियोगिताबाट उत्कृष्ट कविता वाचन गरी छनोट भएकाहरुलाई नगद पुरस्कार सहित प्रमाणपत्रको व्यवस्था गरिएको छ । पुरस्कार राशी क्रमश प्रथम ,दोस्रो र तेस्रो र सान्त्वना हुनेलाई ३०,२०,१० र १० हजार प्रदान गरिने जनाइएको छ ।
खोटाङलाई कला साहित्यको उर्भर भूमिकारुपमा पनि चिनिदैँ आएको छ ।
