काठमाडौं । बुधबार काठमाडौँबाट रसुवाका लागि उडेको एयर डाइनेस्टीको (एन)एजेडी हेलिकप्टर नुवाकोटको शिवपुरीमा दुर्घटना भएको छ । हेलिकप्टर दुर्घटनामा परी ४ जनाको मृत्यु भएको छ ।
काठमाडौँबाट रसुवाका लागि उडेको एयर डाइनेस्टीको (एन) एजेडी हेलिकप्टर दुर्घटना भएको बागमती प्रदेशका डीआईजी विष्णु केसीले जानकारी दिए । नुवाकोटका प्रहरी प्रमुख एसपी शान्तिराज कोइरालाका अनुसार दुर्घटनामा परी मृत्यु हुनेमा दुई पुरुष , एक महिला र एकजनाको चिन्न नसक्ने अवस्थाको शव प्रहरीले निकालेको छ । हेलिकप्टरमा सवार चारै जना चिनियाँ नागरिक रहेका थिए । काठमाडौंबाट रसुवा स्याप्रुङबेँसीका लागि उडेको उक्त हेलिकप्टर एयरपोर्टबाट उडेको ३ मिनेटमै सम्पर्कविहीन भएको प्राधिकरणका सूचना अधिकारी ज्ञानेन्द्र भुलले जानकारी दिए । घटनाबारे थप अनुसन्धान आउने क्रम जारी छ ।
घटनास्थलमा प्रहरी पुगेर अनुसन्धान गरिरहेकाे छ । त्रिभुवन विमानस्थल स्रोतका अनुसार हेलिकप्टर १ बजेर ५४ मिनेटमा काठमाडौंबाट उडेको थियो । दुर्घटना भएको हेलिकप्टर क्याप्टेन अरुण मल्लले उडाएका थिए । हेलिकप्टरमा सवार चारै जना चिनियाँ नागरिक रहेका थिए ।
