काठमाडौं । जय ट्रफी एलिट कप-२०८१ प्रतियोगिताको उपाधि नेपाल पुलिस क्लबले हात पारेको छ । फाइनलमा त्रिभुवन आर्मी क्लबलाई २८ रनले पराजित गर्दै पुलिस क्लब जय ट्रफी च्याम्पियन बनेको हो ।
बीरगञ्जस्थित नारायणी क्रिकेट मैदानमा आज भएको फाइलन खेलमा पुलिसले दिएको १ सय ३ रनको लक्ष्य पछ्याएको आर्मी क्लब २९.२ ओभरमा अलआउट हुँदै ७४ रनमै समेटियो ।
त्यसअघि तेस्रो दिनमा १ सय ३२ रन बनाउँदै ९ विकेट गुमाएको अवस्थाबाट शुरूवात गरेको पुलिस क्लब १ सय ३९ रनमा अलआउट हुँदै १ सय २ रनको अग्रता बनाएको थियो ।
पहिलो इनिङमा टस हारेर पहिले ब्याटिङ गरेको पुलिसले १ सय ३३ रन ९ विकेट गुमाएको अवस्थामा इनिङ घोषणा गरेको थियो । त्यसपछि जवाफमा आर्मी १ सय ७० रन बनाएर अलआउट भएको थियो ।
नेपाल पुलिस क्लब गतवर्षको प्रधानमन्त्री कप राष्ट्रिय क्रिकेटको पनि च्याम्पियन हो । पीएम कपको फाइनलमा पनि पुलिसले आर्मीलाई नै हराएको थियो ।
