काठमाडौं । प्रधानमन्त्री केपी शर्मा ओलीले आज साँझका लागि मन्त्रिपरिषदको बैठक बोलाएका छन् । प्रधानमन्त्री निवास बालुवाटारमा मन्त्रिपरिषद् बैठक शुक्रबार साँझ ७ बजे बैठक बोलाइएको प्रधानमन्त्री ओलीको सचिवालयले जनाएको छ ।
शुक्रबार साँझ बस्ने बैठकमा सरकारका नियमित कामरकारबाहीका अलावा नेपाल प्रहरीका २ जनालाई एआईजी र ५ जनालाई डीआईजीमा बढुवा गर्ने निर्णय निर्णय समेत हुनेछ ।
यसअघि पुस १७ गते बसेको बढुवा समितिको बैठकले प्रहरी नायब महानिरीक्षकद्वय कुवेर कडायत र रवीन्द्र केसीलाई अतिरिक्त महानिरीक्षक (एआईजी) मा बढुवाका लागि सिफारिस गरेको छ।
यस्तै पुस १८ गते बसेको बढुवा समितिको बैठकले ५ जना वरिष्ठ प्रहरी उपरीक्षक (एसएसपी) ईश्वर कार्की, राजेन्द्रप्रसाद भट्ट, दिनेशकुमार आचार्य, अरुण पौडेल र गोविन्द थपलियालाई डीआईजीमा बढुवा सिफारिस गरेको छ। साथै बैठकमा समसामयिक घटनाबारेमा समेत छलफल हुने जनाइएको छ ।
